كنت طفله
تسرق الألباب غفله
كنت اسوّي من رح ــيق الورد حفله
واعزم اسراب الحمام
والعصافير واغانيها واغنّي .... أبجديات الغمام
لين انام
ويختفي ضيّ النجوم
والقمر يقعد يلوم
وين رحتي ... ليه رحتي
لو سمحتي /
ممكن تصحّين احلامك دقيقه ؟؟
لو تبي تزعل عليك وسادتك والا تضايق
صاحبك يابنت صدره ممتلي ستين ضيقه
كنت طفله
وكان جوّي دوووووم رااااااااايق
كانت احلامي عبيطه
كانت ايامي بسيطه
كان كشكولي دروس وفلسفة طيش واغاني
قبل اعشق
قبل اغرق ... وآتوهّ
قبل اسافر في خيالي
واحترق وآذوب كنّي شمعه ... وآعد الليالي
قبل اراقب كل درب يمرّني يشبه حبيبي
قبل اشرّع كل شبابيكي وانادي /
يا نصيبي ... يا نصيبي !!!
قبل اغنّي ياجروحي /
خاطري حنّي وطيبي




كنت طفله
وليتني للحين طفله
ليت اوراقي الحزينه ... مادرت انّي حزينه
ولانقشت ابيات حب ... وقلب مجروح ويعاني
ماوقف للحين نزفه
وقوس مع حرفي وحرفه
ليتني للحين طفله
امتلى وجهي تجاعيد وكآبه
متّ ... لكن
البقا في راس همّي والكتابه !!!!


تــــــــــــــــ ح ـــــــــــــياتــــي,,,,,,,